18.06.2007
Golfkennsla og mót fyrir starfsfólk FLE og Fríhafnarinnar
Flugstöð Leifs Eiríkssonar (FLE) og Fríhöfnin gerðu styrktar- og samstarfssamning við Golfklúbb Suðurnesja (GS) í vor. Hluti af þeim samningi var skipulagning golfkennslu fyrir starfsfólk FLE og Fríhafnarinnar. Kennslan fór fram í maí og júní og í kjölfar hennar var haldið golfmót á æfingavellinum á Leiru. Þar sem starfsfólk í verslunum vinna á vöktum voru haldin tvö mót, 13. og 15. júní. Góð þátttaka var meðal starfsfólks í kennslunni, en rúmlega 40 manns nýttu sér hana. Þótti vel hafa tekist til með þetta framtak.
Þeir sem unnu til verðlauna í mótinu 13. júní voru:
1. sæti Jón Gauti Jónsson
2. sæti Magnús Jensson
3. sæti Tryggvi Blöndal
Alls tóku 23 starfsmenn þátt í mótinu.
Þeir sem unnu til verðlauna í mótinu 15. júní voru:
1. sæti Berglind Richards
2. sæti Þorgeir Axelsson
3. sæti Tinna Laxdal Gautadóttir
Alls tóku 16 starfsmenn þátt í mótinu.
Til baka
