Fréttir

• 15.03.2010

  Hugmyndasamkeppni haldin í Fríhöfninni

  Reykjavík Distillery er Íslenskt fyrirtæki stofnað 2009. Það sérhæfir sig í þróun og framleiðslu áfengra drykkja, unnum úr fyrstaflokks íslensku hráefni. Fyrsta varan sem Reykjavík Distillery kynnir á markað er Íslenskur bláberjalíkjör. Stefnan er að hann verði í hillum Fríhafnarinnar fyrir sumarið. Aðrir drykkir eru í þróun og verða kynntir á næstu misserum.

  Reykjavík Distillery ákvað að halda hugmyndasamkeppni fyrir starfsfólk Fríhafnarinnar. Samkeppnin fólst í hönnun á flöskumiða og jafnframt gerð vörumerkis. Alls bárust ellefu tillögur frá starfsmönnum.

  Sigurvegari samkeppninnar var Sigurður Svavar Erlingsson og hlaut hann að launum fyrstu tilbúnu flöskuna af bláberjalíkjörnum. Í öðru sæti voru það Guðumundur Pálmason og Einar Gunnarsson, þeir sendu inn sameiginlega tillögu. Í þriðja sæti voru Sóley Ragnarsdóttir og Arna Árnadóttir, þær sendu inn sitthvora tillöguna. Við óskum þeim til hamingju með sigurinn.

     

  Á mynd eitt eru: Snorri Jónsson hjá Reykjavík Distillery, Sigurður Svavar Erlingsson, Sóley Ragnarsdóttir og Guðmundur Pálmason Fríhafnarstarfsmenn. Á myndina vantar: Örnu Árnadóttur og Einar Gunnarsson 

  Á mynd tvö er: Snorri Jónsson.

   

   

  
  Til baka