dutyfree.is > Fréttir > Vörur fyrir karlmenn á einum stað í brottfararverslun Fríhafnarinnar
FRÉTTIR
21.12.2012 | Vörur fyrir karlmenn á einum stað í brottfararverslun Fríhafnarinnar

Föstudaginn 21. desember 2012 var sérstakur staður fyrir karlmenn opnaður í brottfararverslun Fríhafnarinnar, staðurinn ber nafnið BE A MAN. Í fyrsta sinn er öllum snyrtivörum fyrir karla komið fyrir á einum stað og um leið og þeir velja sér nýjan ilm, gott krem eða rakvörur geta þeir bragðað á úrvals viskíi eða fyrirtaks koníaki. Þetta nýja fyrirkomulag er til þess ætlað að auka þjónustuna enn meira með því að auðvelda leitina af vörum sem eru sérhannaðar fyrir karlmenn og sem vekja áhuga þeirra.  

Þessi skemmtilega nýjung sem býðst viðskiptavinum Fríhafnarinnar ætti að spara tíma og fyrirhöfn þar sem karlmenn og konur geta gengið að herrasnyrtivörum og öðrum spennandi vörum á einum og sama stað í staðinn fyrir að þræða alla verslunina til að finna rétta ilmvatnið og kremið fyrir hann og jafnvel bragðgott og girnilegt áfengi. Sérvalið áfengi svo sem koníak, viskí, eðalromm, eðalgin og aðrir sterkir eðaldrykkir verða kynntir hverju sinni og framsettir í Led lýsta kúpla sem staðsettir verða á vegg, einnig verða skemmtileg auglýsingamyndbönd sýnd í LCD skjái til að búa til réttu stemninguna. Ermahnappar og aðrir litlir fylgihlutir verða einnig á boðstólnum. Sæbjörg Guðjónsdóttir hannaði svæðið BE A MAN í náinni samvinnu við stjórnendur Fríhafnarinnar en hlýlegur viðurinn og svartur litur eru ríkjandi í versluninni.  ÍAV sá um smíði og uppsetningu innréttinga. Frábært úrval af snyrtivörum fyrir konur verða á sínum hefðbundna stað.

Farþegar um flugstöðina hafa aldrei verið fleiri en í ár og búist er við enn meiri aukningu árið 2013. Því er þessi nýjung kærkomin og starfsmenn Fríhafnarinnar verða í því hlutverki að fræða og upplýsa viðskiptavinina um þær vörur sem bjóðast hverju sinni.