dutyfree.is > Um Fríhöfnina

Um Fríhöfnina

Í Fríhöfninni er að finna mikið úrval af góðri merkjavöru. Vörur og þjónusta í verslunum eru samkeppnishæfar við aðrar flugstöðvar í Evrópu.

Ísland er eitt at fáum ríkjum í Vestur-Evrópu sem getur selt vörur og þjónustu á fríhafnarverði til allra farþega sem yfirgefa landið eða koma til þess.

Komufarþegar ættu að fara beint niður í komusalinn, en ólíkt þvi sem gerist á flugvöllum erlendis er hægt að kaupa vörur sem eru undanþegnar virðiskaukaskatti og aðflutningsgjöldum (tax-and duty-free) við komu.

Sagan

Flugstöð Leifs Eiríkssonar hf. var stofnuð með lögum frá Alþingi í maí 2000 og tók tll starfa 1. október sama ár. Við stofnun á hinu nýja hlutafélagi var sameinaður rekstur tveggja ríkisstofnanna. Fríhafnarinnar á Keflavíkurflugvelli sem rak Fríhafnarverslunina og Flugstöðvar Leifs Eiríkssonar sem rak fasteignina. Í 7. gr laganna segir að tilgangur félagsins sé að annast rekstur, viðhald og uppbyggingu Flugstöðvar Leifs Eiríkssonar, þ.m.t rekstur verslana með tollfrjálsar vörur á Keflavíkurflugvelli og hvers konar aðra starfsemi sem þessu tengist. Hluthafi fyrirtækins er ríkissjóður og fjármálaráðherra með hlut ríkisins í þvi.

Í rekstrarleyfi Flugstöðvar Leifs Eiríkssonar hf., sem gefið var út af utanríkisráðuneytinu þann 1. nóvember 2000, er félaginu meðal annars sett það markmið að í Flugstöð Leifs Eiríkssonar verði ávallt veitt góð þjónusta við flugfarþega. Þá hefur rekstrarleyfið þann tilgang að félaginu er falið að annast rekstur og verslun með tollfrjálsar vörur á Keflavíkurflugvelli og hvers konar aðra starfsemi sem því samrýmist.

Fríhöfnin ehf. stofnað

Í upphafi árs 2005 var stofnað dótturfélag um verslunarrekstur FLE hf. Fríhöfnina ehf. sem tók við verslunarrekstri FLE. Fríhafnarverslunin var þar með aðskilin FLE, bæði stjórnunar- og rekstrarlega. Fasteignarekstur flugstöðvarinnar, ásamt stoðsviðum, heyrir áfram undir FLE nú Isavia en Fríhöfnin ehf. kaupir þjónustu af stoðsviðum Isavia samkvæmt sérstökum samningi félaganna.

Heimilisfang
Fríhöfnin ehf.
Flugstöð Leifs Eiríkssonar
235 Keflavíkurflugvelli
Ísland
Tölvupóstfang: dutyfree@dutyfree.is

Kennitala: 611204-2130
Virðisaukaskattnúmer:85128