11.000 ISK

Vara komin í pokann þinn

Stjórnarmenn

Ragnheiður Elín Árnadóttir

Stjórnarformaður

Ragnheiður Elín Árnadóttir, stjórnarformaður er fædd 1967, stjórnmálafræðingur frá Háskóla Íslands 1991, MSFS gráða í alþjóðasamskiptum frá Georgetown University í Washington D.C. 1994.

Ragnheiður sat í stjórn Landsvirkjunar 2017-2018, er Senior Fellow við bandarísku hugveituna Atlantic Council og sinnir ýmsum ráðgjafastörfum. Ragnheiður sat á Alþingi frá 2007-2016 og var iðnaðar- og viðskiptaráðherra frá 2013-2017. Áður starfaði Ragnheiður sem aðstoðarmaður forsætisráðherra (2006-2007), aðstoðarmaður utanríkisráðherra (2005-2006) og aðstoðarmaður fjármálaráðherra (1998-2005). Ragnheiður starfaði hjá Útflutningsráði Íslands frá 1995-1998, sem viðskiptafulltrúi í New York og verkefnisstjóri í Reykjavík. Hún var framkvæmdastjóri Íslensk ameríska verslunarráðsins (1996-1997).

Ragnheiður Elín var kosin í stjórn Fríhafnarinnar á aðalfundi 2018.

Guðný María Jóhannsdóttir

Varaformaður

Guðný María Jóhannsdóttir, varaformaður stjórnar, er fædd árið 1980 og ólst upp á Þórshöfn á Langanesi til 15 ára aldurs. Hún er með stúdentspróf frá Verkmennaskólanum á Akureyri og er með B.Sc. próf frá Viðskiptaháskólanum á Bifröst. Síðasta árið í námi sínu á Bifröst stundaði Guðný María við Viðskiptaháskóla í Otaru í Japan.

Guðný María starfaði á Keflavíkurflugvelli á árunum 2004-2018, fyrst sem verkefnastjóri á fjármálasviði hjá Flugstöð Leifs Eiríkssonar hf., 2008 tók Guðný María við starfi markaðsstjóra flugstöðvarinnar og árið 2009 við starfi framkvæmdastjóra Viðskiptasvið Keflavíkurflugvallar ohf. Frá 2010 til 2018 sinnti Guðný María verkefnum á sviði viðskiptaþróunar hjá Isavia og starfaði sem aðstoðarframkvæmdastjóri Þróunar og stjórnunar.

Hún situr í stjórn Íslenskra Fjallaleiðsögumanna auk þess að vera í varastjórn Byggðastofnunar og Samtaka Atvinnurekenda á Reykjanesi.

Guðný María var kosin í stjórn Fríhafnarinnar í maí 2014.

Ásbjörn Björgvinsson

Stjórnarmaður

Ásbjörn Björgvinsson er fæddur 1957 á Flateyri við Önundarfjörð

Ásbjörn er rafvirki að mennt en hefur starfað við ferðaþjónustu meira og minna undanfarin 30 ár.

Hann stofnaði og stýrði uppbyggingu Hvalasafnsins á Húsavík, LAVA, Eldfjalla- og jarðskjálftamiðstöð Íslands á Hvolsvelli og var stjórnarformaður og síðar framkvæmdastjóri Markaðsstofu Norðurlands um 10 ára skeið. Ásbjörn var kjörinn bæjarfulltrúi í Norðurþingi árið 2006.

Hann hefur gengt ýmsum trúnaðarstörfum fyrir ferðaþjónustuna og situr í Ferðamálaráði ásamt því að hafa unnið sem leiðsögumaður og vera sjálfstæður ráðgjafi í ferðamálum um árabil.

Ásbjörn var kosinn í stjórn Fríhafnarinnar á aðalfundi 2019.

Matthías Imsland

Stjórnarmaður

Matthías Imsland, stjórnarmaður frá 2014 er fæddur 1974. Hann er stjórnmálafræðingur með MS próf frá Háskólanum í Lundi í Svíþjóð. Þá hefur hann stundað nám í viðskiptafræði við Háskóla Íslands og stjórnunarnám við North Park University í Chicago í Bandaríkjunum. Matthías var aðstoðarmaður forsætisráðherra árið 2016, félags- og húsnæðismálaráðherra 2013-15 og ráðgjafi fyrir fyrirtæki í Suður-Ameríku og Skandinavíu. Matthías var um tíma framkvæmdastjóri rekstrarsviðs flugfélagsins WOW-air og fyrir stofnun þess var hann forstjóri Iceland Express.

Sigrún Traustadóttir

Stjórnarmaður

Sigrún Traustadóttir, fædd 1962, stjórnarmaður frá 2017, viðskiptafræðingur frá Háskóla Íslands 1989, MBA gráða frá Háskólanum í Reykjavík 2013. Lauk diplómanámi í Viðurkenndir stjórnarmenn frá Háskóla Íslands 2016. Frá hausti 2010 hefur Sigrún starfað sjálfstætt, m.a. við fjárhagslega endurskipulagningu. Sigrún var framkvæmdastjóri fjármála- og stjórnunarsviðs Flugstoða, áður Flugmálastjórnar Íslands 1995-2010. Sigrún sat í stjórn Flugfjarskipta frá stofnun 2004–2009. Hún sat í stjórn Isavia 2014-17 og er í varamaður frá 2017.

Sigrún var kosin í stjórn Fríhafnarinnar á aðalfundi 2017.