Framkvæmdastjórn
Þorgerður tók við starfi framkvæmdarstjóra í nóvember 2014. Þorgerður kom til Fríhafnarinnar frá Lyfju hf. þar sem hún sat í framkvæmdarstjórn frá 2003-2014, fyrst sem starfsmannastjóri og síðar sem forstöðumaður verslana- og markaðssviðs. Áður starfaði hún m.a. sem ráðgjafi hjá IBM Business Consulting Services í mannauðsmálum og rannsóknum. Þorgerður útskrifaðist með BA og Cand. Psych gráðu í sálfræði frá Háskóla Íslands og hefur jafnframt lokið PMD stjórnendanámi frá Opna Háskólanum.
Arnþór tók við starfi rekstrarstjóra í september 2021 og tók síðan við starfi fjármálastjóra í júní 2024. Arnþór kom til Fríhafnarinnar frá Ellingsen þar sem hann starfaði sem rekstrarstjóri fyrirtækisins. Áður starfaði Arnþór sem sölufulltrúi í innflutningsdeild Samskipa og hjá Netgíró. Arnþór er með B.A. próf í stjórnmálafræði frá Háskóla Íslands og M.B.A. gráðu frá Háskólanum í Reykjavík.
Hallur tók við starfi mannauðsstjóra í október 2016. Hallur kom til Fríhafnarinnar frá Lyfju hf. þar sem hann starfaði fyrst sem sérfræðingur í mannauðsmálum og síðar sem starfsmannastjóri. Hann sat í framkvæmdarstjórn Lyfju hf. frá 2007-2015. Áður starfaði Hallur sem sérfræðingur í kjaramálum hjá VR í 10 ár. Hallur er með Cand. Psych gráðu í sálfræði frá Háskólanum í Ársóum, bæði sem vinnu- og skipulagssálfræðingur og klínískur sálfræðingur.
Hanna tók við starfi sviðsstjóra þjónustu, upplifunar og markaðsmála í september 2021 og tók síðan við starfi rekstrarstjóra í júní 2024. Hanna kom frá The Estée Lauder Companies í New York þar sem hún starfaði sem tæknilegur verkefnisstjóri með áherslu á gagnagreiningu. Áður starfaði hún m.a. sem sérfræðingur í vexti sprotafyrirtækisins ADAY í New York og sérfræðingur í eignastýringu hjá Landsvirkjun. Hanna er með B.Sc. próf í iðnaðarverkfræði frá Háskóla Íslands og M.Sc. gráðu í rekstrarverkfræði frá Columbia University í New York.